Kreu i AAK-së, Ramush Haradinaj ka uruar sot nxënësit me rastin e fillimit të vitit të ri shkollor.
Haradinaj në urimin e tij ka thënë se ky vit i ri shkollor nis me sfida që nuk i kemi përjetuar më parë për shkak të pandemisë, ndërsa ka përgëzuar punën e Ministrisë së Arsimit dhe drejtoritë komunale të arsimit për përgatitjet që kanë bërë për hapjen e shkollave në këtë kohë pandemie.
“Të dashur nxënës, mësimdhënës e prindër! Është një shtator ndryshe nga vitet e tjera. Me sfida që nuk i kemi përjetuar më parë, do e fillojmë një vit të ri shkollor, me masa e kujdes të shtuar. Duke përgëzuar Ministrinë dhe drejtoritë komunale të arsimit, uroj që ky vit shkollor të jetë i mbarë e i suksesshëm”, shkruan Haradinaj.
Duke uruar edhe ata fëmijë që ulen për herë të parë në bankat e shkollës, Haradinaj ka thënë se bashkëpunimi i stafit edukativo-arsimor, prindërve dhe organet përgjegjëse për arsim, nuk ka qenë kurrë më i domosdoshëm
“Veçanërisht uroj ata fëmijë, që sot për të parën herë ulen në bankat e shkollës! Bashkëpunimi dhe bashkërendimi i stafit edukativo-arsimor, prindërve dhe organet përgjegjëse për arsim, nuk ka qenë kurrë më i domosdoshëm. Ta kalojmë edhe këtë sfidë me sukses, për hir të ardhmërisë së gjeneratave tona të reja. Shumë urime!”, ka shkruar Haradinaj në Facebook.
© SYRI.net
Reagimet për Escobarin, Çitaku: Për keqardhje, politikën amerikane s’e dikton një individ i vetëm
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Denonco
Merrni lajmet më të fundit nga SYRI.net në çdo moment dhe kudo që të jeni!
