jatë ditës së sotme kryeministri i Kosovës, Avdullah Hoti, pritet të ketë një agjendë të ngjeshur, ku me fillim të ditës pritet të mbajë mbledhjen e Qeverisë, në të cilën nuk dihet se çfarë të diskutohet.
Zyra e Kryeministrit përmes një njoftimi për media bën të ditur se Qeveria e Kosovës sot do të zhvillojë një mbledhje, e cila fillon në orën 09:00.
Kryeministri i vendit më vonë merr pjesë në përurimin e Shkollës Fillore të Mesme të Ulët “Haradin Bajrami”, në Magure të Lipjanit.
Teksa krejt në fund, Hoti pritet që të takohet për herë të parë me shefin e ri të Zyrës së BE-së, Tomas Szunyog. Ky i fundit, sapo e ka filluar detyrën e tij të re në Kosovë.
Çeku Szunyog është emëruar nga Këshilli Evropian në pozitën e përfaqësuesit të ri special të Bashkimit Evropian në Kosovë, krejt kjo pas skadimit të mandatit të Nataliya Apostolova.
Diplomati i ri i BE-së, siç u tha përmes një njoftimi, do të mbështet edhe perspektivën evropiane të Kosovës dhe afrimin me BE-në, në përputhje me perspektivën e rajonit dhe në përputhje me Marrëveshjen e Stabilizim-Asociimit.
© SYRI.net
Reagimet për Escobarin, Çitaku: Për keqardhje, politikën amerikane s’e dikton një individ i vetëm
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Denonco
Merrni lajmet më të fundit nga SYRI.net në çdo moment dhe kudo që të jeni!
