Kryetari i Komunës së Prishtinës, Shpend Ahmeti, ka deklaruar për Agjencinë Antikorrupsion, se ka një pagë vjetore prej 17,448.00 euro
Ndërsa nga shpenzimet e rimbursuara i ka 991 euro. Ahmeti ka të kursyera 3200 euro.
Ai gjithashtu ka deklaruar edhe një veturë me vlerë prej 6000 eurosh të tipit Skoda Superb.
Ahmeti ka deklaruar se është me banim të përkohshëm në shtëpinë në Lagjen NIC në Cagllavicë, në pronësi të vëllait, ndërsa banesa e prindërve e dhënë në shfrytëzim nga Teatri Krahinor në vitin 1973, nuk është bartë ende në pronësinë e prindit të tij, pas fitimit e kontestit në vitin 2018.
© SYRI.net