Shefi i Grupit Parlamentar të Partisë Demokratike të Kosovës, Bedri Hamza, ka thënë se Lëvizja Vetëvendosje ua ka dërguar një shkresë zyrtare për kërkesën e mocionit të mosbesimit ndaj qeverisë Hoti, raporton Syri.net Kosova
Shefi i Grupit Parlamentar të Partisë Demokratike të Kosovës, Hamza tha se do ta shqyrtojnë në organet e partisë e pastaj do të dalin me një qëndrim.
“Jam njoftuar që e kanë drejtuar një shkesë Vetëvendosja në Grupin Parlamentar të PDK-së. Nuk e di nëse më herët ka mbërri shkresa apo është mbajtë konferenca, duhet me saktësua.
Të njëjtën do ta shqyrtojmë në strukturat e partisë dhe pastaj pas diskutimeve brenda organeve të partisë, do të kemi një qëndrim”, tha shkurt Hamza.
Sot gjatë ditës, Lëvizja Vetëvendosje inicoi edhe zyrtarisht mocionin e mosbesimit ndaj qeverisë të cilës i prin Avdullah Hoti i LDK-së.
Qeveria Hoti ka vetëm dy muaj e tre ditë që udhëheq me ekzekutivin kosovar ndërkohë që, një qeveri paraprake që drejtonte Lëvizja Vetëvendosje u rrëzua vetëm 52 ditë pas formimit.
Për rrëzimin e qeverisë Hoti duhen të paktën 61 vota për.
© SYRI.net