Që nga përfundimi i luftës, Kosova ka pasur 9 mandate qeverish, në krye me 7 kryeministra. Por, asnjëri nga këta shefa të qeverisë nuk e ka përfunduar mandatin e plotë.
Pas qeverisë së përkohshme të cilën e kishte udhëhequr Hashim Thaçi, kryeministër i parë i Kosovës pas luftës u bë Bajram Rexhepi që qëndroi në këtë pozitë nga marsi i vitit 2002.
Në atë kohë dokumenti më i lart juridik në vend ishte Korniza Kushtetuese, pas i që Kosova administrohej nga Misioni i OKB-së në Kosovë i njohur si UNMIK.
Me të njëjtin dokument në fuqi dy vite më vonë, më saktësisht më 3 dhjetor 2004 në këtë pozitë Parlamenti i Kosovës me shumicë votash zgjodhi Ramush Haradinajn.
Pa i bërë as 100 dite punë Haradinaj dha dorëheqje nga kjo pozitë, pasi Tribunali për Krime të Luftës në ish-Jugosllavi ngriti aktakuzë ndaj tij, mbi dyshimet për krime lufte.
Kështu, pozita e kryeministrit mbeti e lirë.
Me 71 vota pro dhe 36 kundër Kuvendi i Kosovës më 23 mars të 2005 zgjodhi për kryeministër të Kosovës Bajram Kosumin.
Në këtë pozitë Kosumi qëndroi për 353 ditë.
Pas tij kryeministër i ri i vendit më 2006 u zgjodh Agim Çeku. Me 65 vota për, 33 kundër dhe 5 abstenime, Kuvendi i Kosovës kishte zgjedhur kryeministrin dhe qeverinë e re.
Zgjedhjet e ardhshme, ato të 17 nëntori 2007 sollën fitoren e Partisë Demokratike të Kosovës. Rrjedhimisht, kreu i qeverisë u zgjodh Hashim Thaçi, votimi për zgjedhjen e tij u bë më 9 janar të vitit 2008.
E Hashim Thaçi, nuk e pati këtë mandatin e vetëm, ai 3 vite më vonë, sërish u zgjodh kryeministër i vendit, pas zgjedhjeve të 12 dhjetorit të vitit 2011. Vetëm se në këtë kohë, ishte miratuar Kushtetuta e Republikës së Kosovës.
Në mandatin e dytë, Thaçi qëndroi më së gjati në historinë e kryeministrave, plotë1387 ditë. Edhe pse mbajti karrigen e kryeministrit më së gjati, ai nuk arriti ta përfundojë mandatin e plotë prej katër vitesh.
Më 2014, ishte Isa Mustafa, kreu i LDK-së ai që u zgjodh kryeministër i vendit me 73 vota për të deputetëve. Në këtë post Mustafa qëndroi deri në zgjedhjet e ardhshme parlamentare, ato të 11 qershorit të vitit 2017.
Pas këtyre zgjedhjeve, 3 muaj kohë mori formimi i qeverisë së re e që kryeministër për herë të dytë u bë Ramush Haradinaj.
Këtë herë, Haradinajt i zgjati mandati më shumë se herën e parë, por prapë nuk e përfundoi atë pasi sërish dha dorëheqje.
Në korrik të vitit 2019, Haradinaj njoftoi se u ftua për intervistim nga Gjykata Speciale në Hagë nën dyshimin për krime lufte, në këtë mënyrë ai përsëri zgjodhi ta lë karrigen e kryeministrit të lirë.
Tetori i 2019 do të shënonte një histori të re për politikën kosovare, pasi në këto zgjedhje për herë të parë pas pas 12 viteve në pushtet PDK del në opozitë.
Zgjedhjet e 6 tetorit nuk u veçuan për renditjen e PDK-së si e treta por edhe fitoren për herë të parë të Lëvizjes Vetëvendosje pas gati 9 viteve formimit të saj si subjekt politikë - shkruan Syri.net Kosova.
Në këto zgjedhje kryeministër u bë Albin Kurti pas një maratone negociatash me LDK-në e Isa Mustafës për të bashkëqeverisur koalicionin e shpresës siç preferonin ta quanin ata.
Kurti mori mandatin e tij si kryeministër me 3 shkurt të vitit 2020 dhe u votua me 66 vota pro, e 10 abstenime.
Por as Albin Kurti si më i votuar nga të gjithë kandidatët për kryeministër që kishte Kosova në historin e saj, nuk arrit ta përfundoi mandatin e tij.
Kurtit qeverisi me vendin me kompetenca të plota vetëm 52 ditë. Një mocioni i mosbesimit të ngritur nga partneri i tij qeverisës LDK, bëri që qeveria e Kurtit të bëhet me jetëshkurtra prej pasluftës.
Më 25 mars të këtij viti, mocioni i mosbesimit ndaj qeverisë së tij rezultoi i suksesshëm pasi 82 deputetë të Kuvendit të Kosovës votuan për mocionit.
Tani kur Kurti u shkarkua në vend të tij pritet të vije Abdullah Hoti nga LDK, pasi ky i fundit mori mandatin nga një dekret i Presidentit Thaçi e që amini ju bë nga një aktgjykim i Gjykatës Kushtetuese.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
