Gjatë intervistës së tij për Syri TV, drejtuesi i Lëvizjes Vetëvendosje në Shqipëri Bojken Abazi përveç komenteve për situatën politike në Kosovë, foli edhe mbi atë çfarë po ndodh në vendin tonë.
Teksa forcat politike diskutojnë Reformën Zgjedhore, Abazi u pyet se, nëse Vetëvendosje garon në zgjedhje, me cilën parti mund të bëjë?
Por Abazi nuk dha një përgjigje konkrete, por pati një ftesë për socialistët e zhgënjyer nga kjo mazhorancë.
"Socialistët e përgjegjshëm që janë kundra kapjes së shtetit nga kjo mazhorancë mund ti bashkohen Vetëvendosjes. I mirëpresim", u shpreh Bojken Abazi në intervistën e tij për Juli Krisafin në Syri TV.
Lidhur me shembjen e Teatrit dhe dhunës policore ndaj artistëve, gazetarëve dhe qytetarëve, Abazi u shpreh se, përgjegjësit "duhet të mbajnë përgjegjësi ligjore dhe politike".
© SYRI.net