Besnik Tahiri nga AAK vlerësoi se Kryeministri në detyrë Albin Kurti, shkeli mbi premtimet e tij me heqjen e taksës 100% dhe vendosjen reciprocitetit ndaj Serbisë.
Tahiri e argumentoi këtë duke përmendur masat reciproke që janë vendosur.
“Vendimi i djeshëm i Kryeministrit në detyrë Albin Kurti është një fyerje e inteligjencës së qytetarëve të Kosovës. Kjo për shkak se e hoqi taksën pa kurrfarë kundërvlere dhe shkeli mbi premtimin e tij për reciprocitet, duke vendosur reciprocitet vetëm për disa certifikata të veterinarisë dhe fitosanitarise, si dhe duke e neglizhuar 100% premtimin e tij për reciprocitet ekonomik, politik dhe në fushat tjera. Ku mbeti reciprociteti për diploma, për tabela … ?”.
“Ajo çfarë ka ndodhur është realisht heqja e taksës pa kurrfarë kundërvlere. Është vendosur një lloj reciprociteti për dy tema totalisht të devalvuara në raport me fuqinë që e ka pasur taksa”.
Ai pohoi se janë vetëm ato dy masa (për certifikata të veterinarisë dhe fitosanitarise) janë në dokumentin e vendimit të qeverisë për reciprocitet.
Tahiri gjithashtu theksoi se nuk është ndërmarrë asnjë masë për ndaljen e agresionit politik që po e bën Serbia, në veçanti sa i përket fushatës për çnjohje.
“Albin Kurti e ka zhveshur Kosovën prej një instrumenti shumë të rëndësishëm politik”, tha Tahiri në një intervistë në Rubikon.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
