Haziri: Po trajtohet situata paszgjedhore, kemi vendosur të jemi pjesë aktive e ndërtimit të institucioneve

Në selinë qendrore të Lidhjes Demokratike të Kosovës po mbahet një “takim i kolegjiumit të degëve të LDK-së”, tha në një deklaratë për gazetarët nënkryetari i kësaj partie, Lutfi Haziri.

Ai tha se po trajtohet “situata paszgjedhore”. Ky takim, Haziri tha se është në funksion “të proceseve politike”, duke shtuar se LDK-ja ka vendosur parimisht që të jetë aktivisht pjesë e ndërtimit të institucioneve.

“Është takim i kolegjiumit të degëve të LDK-së. Në situatë paszgjedhore është pjesë e punës ku kryetari i LDK-së dhe organet e LDK-së fillojnë ta trajtojnë situatën paszgjedhore. Kjo është në funksion të proceseve politike në të cilat LDK-ja ka vendosur parimisht që të jetë pjesë aktive e ndërtimit të institucioneve”, tha ai.

Haziri i shmangu pyetjet e gazetarëve, duke thënë se “për gjithçka që do të dalë nga ky takim do të njoftoheni pas takimit”.

“Është poroces….”, tha ai.

Ai qeshi dhe nuk u përgjigj kur u pyet se “a ka takim me Vetëvendosjen për formimin e institucioneve”.

© SYRI.net

Lexo edhe:

• “Rezultatet janë të pasakta” nuk dorëzohen dy kandidatët e PDK-së, ankohen për vota në PZAP
• Formimi i institucioneve të Kosovës, Serwer: Kompromiset do të jenë të nevojshme
• Rezultati zgjedhor dhe zhvillimet e fundit, LDK-ja mban takim të rëndësishëm