Dy seanca gjyqësore ndaj Naim Murselit, i akuzuar për vrasjen e bashkëshortes së tij, Liridona Ademaj, janë anuluar për shkak të fillimit të ekzaminimit të tij psikiatrik.
Megjithatë, avokati i familjes Ademaj, Leotrim Syla, ka deklaruar se palët nuk janë njoftuar zyrtarisht për këtë zhvillim.
Syla tha se ky informacion u bë i ditur vetëm pas raportimeve në media.
“Nuk kemi qenë të njoftuar se kur është shtypur ai vendim dhe i është dërguar palëve, gjegjësisht edhe Institutit të Mjekësisë Ligjore. Nuk kemi ditur as kur ka filluar ekzaminimi i Naim Murselit. Këtë informacion e kemi marrë nga ju, mediat. Pasi u bë publik nga mediat, kemi mësuar edhe nga drejtori i Klinikës së Psikiatrisë se Naimi ka qenë i shtruar në forenzikë që një javë”, ka deklaruar Syla për Klan Kosova.
Për të kryer ekzaminimin piskiatrik të tij është urdhëruar Instituti i Psikiatrisë Forenzike, ka konfirmuar për Reporteri.net zëdhënësja e Gjykatës Themelore e Prishtinës, Mirlinda Gashi.
“Referuar kërkesës tuaj për informata ju njoftojmë se Gjykata Themelore në Prishtinë – Departamenti për Krime të Rënda me datë 04 Qershor 2025 ka aprovuar kërkesën e mbrojtëses të të akuzuarit N.M. për lëshimin e Urdhrit për Ekzaminimin Psikiatrik për të njëjtin. Me datë 09.06.2025 trupi gjykues në këtë çështje penale ka lëshuar Urdhëresë përmes së cilës është urdhëruar Instituti i Psikiatrisë Forenzike në Prishtinë të bëjë Ekzaminimin Psikiatrik për të akuzuarin N.M”, ka deklaruar Gashi.
Kërkesa për këtë është bërë nga avokatja e Murselit, Teuta Zhinipotoku.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Ministria e Infrastrukturës dështon në komunikim: Njoftime zyrtare plot gabime drejtshkrimore
LIVE/ 'Rama jepe dorëheqjen!' Vijon protesta qytetare
VIDEO-Investigimi i parë i Plug/ Vilma Nushi e Check up financoi kullën e babait të Ervin Matës