Drejtoria rajonale e policisë së Prishtinës ka intensifikuar përpjekjet për menaxhimin dhe parandalimin e zjarreve që kanë prekur zona të ndryshme, përfshirë zonat pyjore, rurale, periferitë e banimit dhe brenda qyteteve.
Në të gjitha rastet, policia ka ndërhyrë menjëherë për të ndihmuar evakuimin e qytetarëve, kontrollin e trafikut dhe sigurimin e zonave të prekura. Po ashtu, janë zhvilluar vizita në terren për të informuar dhe mbështetur banorët.
Policia ka koordinuar veprimet me Agjencinë për Menaxhimin e Emergjencave, shërbimet zjarrfikëse dhe institucionet e tjera përkatëse për të frenuar përhapjen e zjarreve dhe minimizuar dëmet. Ndërkohë, hetimet janë në vijim për të përcaktuar nëse disa nga këto incidente janë të qëllimshme. Disa persona janë identifikuar dhe rastet e tyre po trajtohen me seriozitet.
Policia u apelon qytetarëve që të jenë vigjilentë dhe të raportojnë menjëherë çdo aktivitet të dyshimtë, duke ndihmuar kështu në parandalimin e zjarreve. Gjithashtu, kërkohet kujdes i shtuar për të shmangur veprimet që mund të shkaktojnë zjarr.
“Policia është me ju – së bashku mbrojmë komunitetin tonë”!
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Ministria e Infrastrukturës dështon në komunikim: Njoftime zyrtare plot gabime drejtshkrimore
LIVE/ 'Rama jepe dorëheqjen!' Vijon protesta qytetare
VIDEO-Investigimi i parë i Plug/ Vilma Nushi e Check up financoi kullën e babait të Ervin Matës