Aktorja e Hollywoodit, Jameela Jamil është bërë një nga të famshmit e parë që u tërhoq nga Twitter disa orë pasi CEO i Tesla, Elon Musk mori përsipër platformën si pronar i vetëm.
Jameela përmes disa postimeve në Twitter ka njoftuar largimin e saj nga platforma e mediave sociale
Në tweet-in e parë ajo shkroi: “Një gjë e mirë në lidhje me blerjen e Twitter nga Elon është se unë më në fund do të largohem dhe do të ndaloj së qeni një kërcënim i plotë për shoqërinë këtu. Pra, është me të vërtetë fitore për të gjithë ju”.
Musk mori në pronësi me sukses faqen të hënën (25 prill) për rreth 44 miliardë dollarë (41 miliardë euro).
Disa orë përpara njoftimit zyrtar, Musk u kërkoi “kritikëve të tij më të këqij” të qëndronin në Twitter.
“Shpresoj që edhe kritikët e mi më të këqij të mbeten në Twitter, sepse kjo është ajo që do të thotë liria e fjalës”, shkroi Musk në Twitter.
Më herët, ish-presidenti amerikan Donald Trump refuzoi të kthehej në Twitter edhe nëse llogaria e tij rikthehej pasi Elon Musk mori përsipër kompaninë.
Duke folur për Fox News disa orë përpara se CEO i Tesla-s të mbyllte marrëveshjen me kompaninë e mediave sociale, Trump hodhi poshtë spekulimet për rikthimin e tij në platformë.
Që nga njoftimi për blerjen e tij, përdoruesit e rrjeteve sociale kanë reaguar përmes memeve të ndryshme. Disa prej tyre gjithashtu njoftuan se nuk do ta përdorin faqen më.
© SYRI.net