Ka shkaktuar pikëllim në Brazil vdekja e këngëtares Marilia Mendonça në një aksident ajror.
Ylli i “sertanejo”, një prej zhanreve më të njohura të muzikës në vend, humbi jetën nga rrëzimi i një avioni të vogël taksi në shtetin brazilian të Minas Gerais.
Në aksident humbën jetën edhe producenti i këngëtares, xhaxhai i saj dhe dy pilotët e avionit, ka bërë të ditur agjenti i Mendoçës.
Sipas policisë, shkak i mundshëm i aksidentit ka qenë përplasja e avionit me një antenë.
Shumë të famshme braziliane reaguan me emocion ndaj lajmit për vdekjen e Mendoçës, e cila filloi karrierën e saj në vitin 2014 dhe ajo ishte një nga femrat e para në këtë zhanër muzikor që tradicionalisht është i dominuar nga meshkujt.
“Refuzoj ta besoj, refuzoj”, ka shkruar futbollisti Neymar në Twitter .
Ndërsa Presidenti i vendit Jair Bolsonaro e cilësoi këngëtaren 26 vjeçare si "një nga artistët më të rëndësishëm të brezit të saj".
Mendoça ishte shumë e njohur në vendin e saj kishte 39 milionë ndjekës në Instagram dhe 22 milionë në kanalin e saj në YouTube.
Pak para rrëzimit, ajo postoi një video në rrjetet sociale ku tregonte hypjen në aeroplan dhe drekën e saj në bord, duke paralajmëruar “një fundjavë plot shfaqje”.
Brazilian singer and Latin #Grammy winner #MariliaMendonca has died in an #airplane #crash.#Brazil #Brazilian #MariliaMendoncarip pic.twitter.com/y0ZlLIHKG4
— Chaudhary Parvez (@ChaudharyParvez) November 6, 2021
© SYRI.net
Lindja e parakohshme e vajzave binjake; Jorida Tabaku rrëfen për herë të parë periudhën e vështirë!
'Jul Deda ka ngjashmëri të paparë me Ilir Shaqirin…'/ Paloma komenton 'BBV3'
Lopez-Affleck: Dy të huaj në të njëjtin qytet duke kërkuar shtëpinë e vet
Denonco
Merrni lajmet më të fundit nga SYRI.net në çdo moment dhe kudo që të jeni!
