Benny Blanco është kaq i dashuruar me Selena Gomez dhe po planifikon që të krijojë një familje me këngëtaren dhe aktoren e famshme. I ftuar në “SiriusXM”, producenti muzikor tregoi se ai është gati ta çojë romancën me yllin e muzikës në një tjetër nivel.
Blanco tha se mendon çdo ditë që të ketë fëmijë me themeluesen e Rare Beauty. “A do të kesh fëmijë me Selena-n? A i ke thënë që të bëni fëmijë?”, e pyeti moderatori dhe Blanco, 36 vjeç, u përgjigj:
“Është një temë bisede që e bëj çdo ditë. Ky është qëllimi im i radhës. Kam shumë fëmijë për të cilët jam kumbari, kam shumë nipër e mbesa dhe dua shumë rrethohem nga fëmijët”.
Benny tha edhe se nuk imagjinon një botë më të mirë sesa kjo ku jeton me Selena-n dhe se ia thotë asaj gjithmonë. Moderatori i tha se i sheh të martuar Selena-n dhe Benny-n në të ardhmen e afërt dhe producenti shtoi: “Ti dhe unë bashkë”.
Më parë, Blanco ka folur edhe për hapat e parë të romancës, duke u shprehur: “Kur kemi dalë në takimin e parë, s’e dija fare që ishte takim. Më mbahet mend që qëndrova aty dhe mendova se ky takim ka diçka ndryshe dhe më pas, thashë: “Prit, jam në një takim?”. Ajo është personi më cool, më i mirë dhe më i ëmbël. Ajo është vërtet mikja ime më e mirë dhe qeshim gjithë ditën”.
Selena dhe Benny janë të lidhur prej disa muajsh dhe marrëdhënia e tyre është e bukur dhe e shëndetshme, sipas burimeve të ndryshme. Ata duken shumë rehat dhe të dashuruar me njëri-tjetrin, ndaj nuk besojmë se do të ishte befasi e madhe që të kenë një familje të lezetshme bashkë.
© SYRI.net
Nuk keni për ta njohur, Rihanna zbulon për herë të parë flokët e saj natyralë
Dafina Zeqiri reagon pas lajmeve se është në pritje të ëmbël
Pas shtatzanisë, Kiara qenka rikthyer në super formë!
Denonco
Merrni lajmet më të fundit nga SYRI.net në çdo moment dhe kudo që të jeni!
