Ruben Amorim ka nisur zyrtarisht aventurën e tij te Milani. Në ditën e parë në qendrën stërvitore të Milanellos, trajneri portugez u prit personalisht nga pronari i klubit, Gerry Cardinale, i cili e mirëpriti me ngrohtësi.

Numri një i kuqezinjve e priti Amorimin te hyrja e qendrës stërvitore, sapo ai mbërriti me makinë. Cardinale e përqafoi trajnerin e ri dhe më pas, me një buzëqeshje të madhe, e prezantoi para gazetarëve të pranishëm me fjalët: “This is the new coach” (“Ky është trajneri ynë i ri”).

Pas fotografive zyrtare, Cardinale dhe Amorim hynë në ambientet e Milanellos, ku zhvilluan takimet e para për të planifikuar sezonin e ri dhe për të diskutuar mbi të tashmen dhe të ardhmen e skuadrës.

Për Amorimin, kjo ishte dita e dytë në Milano. Të hënën ai mbërriti në aeroportin e Linates dhe më pas vizitoi Casa Milan, ku pati mundësinë të njihej më nga afër me historinë dhe traditën e klubit ku sapo ka firmosur kontratën e tij.

Milani shpreson që me ardhjen e teknikut portugez të hapë një cikël të ri suksesi, ndërsa puna për sezonin e ardhshëm tashmë ka nisur zyrtarisht në Milanello.