Bayer Leverkusen u rikthye te fitorja në Bundesligë, duke mposhtur Freiburgun 2-0 në “BayArena” dhe duke hyrë në top katër të renditjes. Pas humbjes së rëndë 7-2 ndaj PSG-së në Ligën e Kampionëve, skuadra e Kasper Hjulmand reagoi menjëherë, duke kontrolluar ndeshjen pas disa minutave të para të vështira. Portieri Mark Flekken shpëtoi Leverkusenin në dy raste të hershme, ndërsa në minutën e 25-të Ernest Poku zhbllokoi rezultatin me një goditje të saktë nga distanca pas një kombinimi të bukur me Aleix García.

Leverkusen – Frieburg 2-0

Freiburg tentoi të reagonte me një goditje dënimi të Scherhant, por pa rezultat. Në pjesën e dytë, vendasit e mbyllën ndeshjen në minutën e 52-të, kur Edmond Tapsoba shënoi me kokë pas një krosimi të saktë nga Alejandro Grimaldo – goli i tij i parë në shtëpi në kampionat që nga janari 2023.

Miqtë e humbën krejt kontrollin pas përjashtimit të Philipp Lienhart me kartonin e dytë të verdhë, ndërsa Leverkusen administroi me lehtësi rezultatin. Kjo ishte fitorja e katërt radhazi për “Die Werkself” dhe ndeshja e gjashtë pa humbje nën drejtimin e Hjulmandit. Në anën tjetër, Freiburg pësoi humbjen e parë pas nëntë ndeshjesh dhe mbetet në pjesën e poshtme të tabelës.