Shqipëria U-17 do të zhvillojë dy ndeshje miqësore ndaj Sllovenisë U-17 gjatë muajit tetor.

FSHF dhe Federata Sllovene e Futbollit kanë arritur dakordësinë për organizimin e këtyre përballjeve, që do të luhen në “Shtëpinë e Futbollit” më 9 dhe 11 tetor.

Skuadra kuqezi, e drejtuar nga trajneri Fatjon Tafaj, do të zbresë në fushë më 9 tetor, ora 11:00, për ndeshjen e parë, ndërsa sfida e dytë do të zhvillohet më 11 tetor, ora 11:00.

Këto janë ndeshjet e fundit testuese për skuadrën kuqezi në kuadër të përgatitjeve për kualifikueset e raundit të parë të Europianit U-17.

Kombëtarja jonë është pjesë e Grupit 8, së bashku me Kroacinë, Holandën dhe Kazakistanin.

Të gjitha sfidat e këtij mini-turneu do të zhvillohen në Kroaci, në datat 11, 14 dhe 17 nëntor 2025.