Chelsea dhe Crystal Palace e hapën sezonin e ri të Premier League me një barazim pa gola në derbin londinez, duke zgjatur në 17 ndeshje serinë e pamposhtshmërisë së “Blues” ndaj Palace që nga 2017.

Pas një vere të suksesshme për të dy skuadrat, loja nisi me intensitet, por goli i hershëm i Eberechi Eze u anulua pas rishikimit të VAR, pasi kapiteni Marc Guéhi ndodhej shumë pranë murit të Chelseat. Ritmi ra gradualisht, me vetëm një rast të rrezikshëm nga Trevoh Chalobah në pjesën e parë.

Në fraksionin e dytë, debutimi i Estêvão solli gjallëri për vendasit, por Crystal Palace mbeti kompakt në mbrojtje. Përpjekjet e vonshme të Liam Delap dhe Andrey Santos nuk mjaftuan që Chelsea të gjejë golin e fitores.

Barazimi u jep Palace besim përpara sfidës së rëndësishme në “Conference League” kundër Fredrikstad FK, ndërsa Chelsea nis kampionatin me një pikë, duke mos arritur të shfrytëzojë epërsinë e terrenit vendas.

Ndërkohë në takimin tjetër të Premier League-s, Nottinghami mposhti 3-1 Brendtfordin.