Pas Superiores, edhe Kategoria e Parë ka zbuluar kalendarin e sezonit të ri futbollistik. Në ambientet e “Shtëpisë së Futbollit”, Federata Shqiptare e Futbollit organizoi ditën e sotme hedhjen e shortit, ku 12 skuadrat pjesëmarrëse mësuan kundërshtarët e javës hapëse.

Kampionati do të nisë më 23 gusht, dhe pritet të jetë i luftuar si kurrë më parë, me shumë skuadra që synojnë rikthimin në elitë. Që në javën e parë, kalendari ofron duele interesante dhe me histori në sfond.

Përballjet e javës së parë të Kategorisë së Parë:

• Skënderbeu – Burreli

• Iliria – Laçi

• Kukësi – Apolonia

• Luftëtari – Korabi

• Besa – Kastrioti

• Pogradeci – Lushnja