Arijanet Muric mund të largohet nga Burnley gjatë merkatos së janarit.
Portieri kosovar nuk është zgjedhja e parë e Vincent Kompany këtë sezon.
Ai ende nuk ka regjistruar asnjë paraqitje në Premierligë.
Murici numëron vetëm dy paraqitje deri më tani. Të dy paraqitjet e tij u regjistruan në Kupën EFL.
Kësisoj, 24-vjeçari mund të ndryshojë ambient në merkaton dimërore, pasi ka patur interesim nga disa klube të njohur europiane.
Sipas gazetarit të njohur gjerman, Florian Plettenberg, Murici është i përqendruar te Burnley, por ai dëshiron të luajë të rregullisht.
Union Berlin dhe Sevilla janë klubet e interesuara për shërbimet e tij, pasi e vlerësojnë shumë lart portierin dardan.
Klubet në fjalë mund të kërkojnë huazimin e tij në janar, duke përfshirë në marrëveshje edhe opsionin e blerjes.
© SYRI.net
Bëje LIKE dhe merr lajmin e fundit nga Sporti: