Real Madrid-Borussia Dortmund. Kjo do të jetë finalja e këtij edicioni në Champions League në mitikun “Wembley” më 1 qershor.
“Los Blancos” iu falën dygolëshit të vonë të Joselut për të thyer dhe eliminuar Bayern Munchen.
Sulmuesi 34-vjeçar erdhi nga stoli dhe realizoi dy gola historikë, duke zhvlerësuar eurogolin e Alphonso Davies.
Pas avantazhit të bavarezëve, Joselu barazon duke përfituar nga gafa e Neuer.
Më pas, nga një pozicion i dyshimtë, sërish Joselu shënon, duke i dhuruar kualifikimin madrilenëve.
Sukses i jashtëzakonshëm i Realit të Madridit. Rekordmenët e turneut më të rëndësishëm për klube me 14 suksese.
Djemtë e Carlo Ancelottit, do të luajnë finalen e 6-të në 10 vitet e fundit. Pesë të parat i kanë fituar.
© SYRI.net
Bëje LIKE dhe merr lajmin e fundit nga Sporti: