Një gol i Manuel Locatellit pas një ore lojë i dhuroi Juventusit një fitore të madhe 0-1 përballë Milanin në “San Siro”.
Sfidë ku kuqezinjtë e Stefano Piolit luajtën me dhjetë lojtarë që prej minutës së 40-të.
Moment kur Malick Thiaw humbi duelin me Moise Kean dhe kreu një ndërhyrje të parregullt, duke i hequr mundësinë e golit sulmuesit italian, i cili po marshonte i vetëm drejt portës kuqezi.
Kryesori Mariani nuk hezitoi aspak dhe i tregoi të kuqin mbrojtësit gjerman të Milanit.
Skuadra e Max Allegrit festoi në minutën e 63-të. “Ish”-i Manuel Locatelli gjuajti nga larg, topi u devijua nga Rade Krunic dhe përfundoi në rrjetë.
https://streamin.one/v/b6264d23
Festë e çmendur e mesfushorit dhe avantazh i rëndësishëm për Juventusin.
Me suksesin e sotëm bardhezinjtë ngjiten në vendin e tretë me 20 pikë, dy më pak se Interi kryesues dhe një më pak se Milani, kundërshtari i sotëm.
© SYRI.net
Bëje LIKE dhe merr lajmin e fundit nga Sporti: