Ardhja e Mirel Josës në stolin e “kurbinasve” të Laçit ka ndryshuar jo pak lojën e këtyre të fundit, të cilët mesditën e kësaj të marte kanë mundur në “Selman Stërmasi”, “bardheblutë” e Tiranës, me rezultatin e pastër 0 me 2, në përballjen e vlefshme për javën e 7 të Kategorisë Superiore.

Pas ndeshjes, Josa dha mendimin e tij për suksesin 0-3 ndaj Tiranës.

“Nuk e prisja Tiranën në këtë gjendje. Nuk e prisja kështu pasi ishte edhe pushim, nuk e luajti derbi me Partizanin. Tirana po çalonte shumë në aspektin fizik.

Ne duam t’i fitojmë të gjitha ndeshjet, por jo gjithmonë mundesh. Duhet të kuptojmë që nuk është një fitore me Tiranën ajo që na dërgon atje ku ne duam, duhet të shohim ndeshjen e radhës. I dhamë besim edhe djemvve të rinj. Jam shumë i kënaqur me gjithë ekipin. Djemtë e kanë vet në dorë fatin e tyre, futbollin do t’ia mësoj unë deri kaq sa mundem” – Tha ai.