Inter do të presë Sasuolon sot në orën 20:45 në ndeshjen e vlefshme për javën e 6-të të Seria A.

Ja statistikat e përballjeve mes tyre:

– Sasuolo ka fituar 8 nga 20 ndeshjet kundër Interit në Serinë A (2B, 10H). Vetëm kundër Veronës (9) zijeshilët kanë arritur më shumë suksese në kampionat.

– Interi ka fituar 5 nga 6 ndeshjet e fundit kundër Sasuolos në kampionat (1H), aq sa fitoi në 14 ndeshjet e mëparshme kundër zijeshilëve në Serinë A (5F, 2B, 7H).

– Balancë e shkëlqyer në 10 ndeshjet në “San Siro” mes Interit dhe Sasuolos: bilanci është katër fitore për secilin ekip dhe dy barazime.

– Dy nga tri humbjet më të këqija të Sasuolos në Serinë A erdhën kundër Interit: 0- 7 në 22 shtator 2013 dhe 14 shtator 2014. Rezultati tjetër 0-7 erdhi kundër Juventusit (4 shkurt 2018).

– Interi nuk ka barazuar asnjë nga 26 ndeshjet e fundit në shtëpi në kampionat (21 fitore, 5 barazime), duke fituar të gjashta ndeshjet e fundit. Barazimi i fundit i zikaltërve në shtëpi në Serinë A daton më 19 mars 2022 (1-1 kundër Fiorentinës).

– Sasuolo ka humbur 6 nga 7 ndeshjet e fundit në transfertë (1B). Në përgjithësi, që nga fillimi i sezonit të kaluar, zijeshilët kanë qenë skuadra që ka pësuar më së shumti gola jashtë shtëpisë në Serinë A (44 në 21 ndeshje), vetëm me Sampdorian (14) dhe Veronën (13) që kanë humbur më shumë ndeshje jashtë shtëpisë se zijeshilët (12) në kampionat.

– Lautaro Martinez ka shënuar pesë gola kundër Sasuolos në Serinë A, duke përfshirë dopietën e tij të parë më 20 tetor 2019. Vetëm kundër Kaljarit (9 gola) ai bëri më mirë në kampionat.

– Domeniko Berardi shënoi shtatë gola kundër Interit në Serinë A, ndër lojtarët aktivë askush nuk ka shënuar më shumë gola kundër zikaltërve në kampionat (shtatë edhe për Antonio Kandrevën).