Mbyllet një karrierë legjendare, Bufon i jep lamtumirën futbollit të luajtur

Mbyllet një karrierë legjendare, Bufon i jep lamtumirën futbollit të luajtur

20:20, 01/08/2023

Pritet vetëm zyrtarizimi, por tashmë dihet që Xhanluixhi Bufon ka vendosur që ta mbyllë me futbollin e luajtur.

Mediat italiane kanë konfirmuar se portieri italian ka marrë vendimin dhe tashmë do ta komunikojë nëpërmjet rrjeteve sociale dhe një konference për shtyp.

Në moshën 45-vjeçare, portieri i njohur italian, i cili ka bërë emër me skuadrat e Parmës, Juventusit dhe PSG-së, ka vendosur të varë dorashkat në gozhdë dhe ta mbyllë me fushën e lojës më një sport ku është kthyer në një nga emrat ikonë dhe vlerësohet ndër më të mirët e historisë.

Bufon në fakt kishte edhe një vit të mbetur në kontratën e tij me Parmën, por mes palëve është gjetur lehtësisht akordi që portieri ta mbyllte këtu.

Një karrierë që nisi te Parma në vitin e largët 1995 dhe mbyllet po në të njëjtin klub pas 28 vitesh.

Pjesën më të madhe të karrierës ai e kaloi te Juventusit, nga viti 2001, deri në vitin 2021, duke fituar trofe të shumtë në Itali, por ku kulmi për të do të mbetet gjithmonë suksesi me fanellën e kombëtares Italiane në Botërorin 2006.

Tanimë mbetet të shihet se ky do të vazhdojë ai karrierën e tij, pasi ka marrë propozime të ndryshme, ku më interesanti është padyshim roli i kreut të delegacionit të përfaqësues së Italisë, vend që ka mbetur vakant pas ndarjes nga jeta të Xhanluka Vialit.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco