Përfundon një nga negociatat më të nxehta të këtyre javëve të para të merkatos së verës. Protagonist është Arda Guler, i cili është bërë zyrtarisht lojtar i ri i Real Madridit .
I pëlqyer nga Barcelona, 18 vjeçari i dha fund aventurës me Fenerbahçen për t'u transferuar në Madrid.
Talenti turk zhvilloi paraqitje fantastike me fanellën e Fenerbahçes, saqë largimi i tij ishte i pashmangshëm.
Pavarësisht një kontrate që e mbante lidhur me klubin turk deri në qershor 2026, Guler kishte një klauzolë të favorshme largimi (15 milionë euro) dhe ishte i hapur për një përvojë të re. Ndërkohë që Barcelona ishte shumë pranë transferimit të tij, në fund ishte Real Madrid, fitues i duelit mes dy klubeve spanjolle.
🤍 #WelcomeArda 🤍 pic.twitter.com/Orqb5NVDqG
— Real Madrid C.F. (@realmadrid) July 6, 2023
Këta të fundit kanë bërë edhe përpjekjet e nevojshme me një ofertë prej 20 milionë euro që është më e lartë se klauzola e largimit të lojtarit. Kësaj i shtohet një përqindje prej 20% për Fenerbahçen për një rishitje të ardhshme. Autor i 6 golave dhe 7 asistimeve në 35 ndeshje me klubin turk, Arda Guler do të zbarkojë në Madrid ku është turku i parë që nga Nuri Sahin që vesh fanellën.
“Arda Guler, lojtari i ri i Real Madrid. Futbollisti turk është 18 vjeç dhe vjen në klubin tonë pasi fitoi Kupën e Turqisë dhe u votua MVP i finales. Klubi ynë po sjell në skuadrën e tij një nga futbollistët e rinj me më shumë potencial në botë . ”
© SYRI.net
Bëje LIKE dhe merr lajmin e fundit nga Sporti: