Dy vite më parë, UEFA krijoi një kompeticion të ri për klubet dhe bëhet fjalë për Ligën e Konferencës që emrin zyrtar e ka “UEFA Europa Conference League”.

Pas dy finalesh ku fillimisht fitoi Roma në Tiranë e më pas West Ham në Pragë, UEFA ja vendosur që të ndryshojë emrin e kompeticionit.

Emri do të ketë vetëm një shkurtim dhe në thelb do të jetë i njëjti, duke qenë se do të quhet “UEFA Conference League”, duke iu hequr fjala “Europa”.

Vetë UEFA e ka miratuar ditën e djeshme diçka të tillë në mbledhjen e Komitetit Ekzekutiv.

Pas 2 sezonesh, në UEFA janë të bindur se Liga e Konferencës e ka krijuar tashmë imazhin e saj dhe nuk ka nevojë që të ketë emrin “Europa” për t’u njohur si turne europian.