Në edicionin e tretë të Nations League triumfon Spanja. Përfaqësuesja iberike mposhti në finale Kroacinë vetëm pas goditjeve të 11-metërshave, teksa 120 minuta lojë përfunduan me rrjeta të paprekura.
Shumë keqardhje për Kroacinë e Zlatko Dalicit dhe Luka Modricit, që humbin një tjetër finale të një kompeticioni madhor, pas Botërorit 2018.
Për mënyrë sesi u luajt kjo finale, ndoshta Kroacia meritonte më shumë, por fati nuk ishte më të në ruletën e penalltive.
Goditjet e penalltive: 4-5
Kroacia Spanja
Vlasic + Joselu +
Brozovic + Rodri +
Modric + Merino +
Majer – Asensio +
Perisic + Laporte –
Petkovic – Carvajal +
Si të gjitha finalet, Kroaci – Spanjë nisi si një lojë shahu, pa shumë argëtim. Nga njëra anë Perisic e nga ana tjetër tjetër Gavi u përpoqen të ndryshonin rrjedhën e lojës, por pa mundur të shënojnë gjatë pjesës së parë.
Kramaric do ta gjente veten përballë Unai Simon, pas një vrapimi në kufirin e pozicionit jashtë loje, por gabon përballë portierit kundërshtar.
Kroacia, në fakt, gjatë fraksionit hapës ishte më dominuese në lojë dhe pati më shumë goditje në portë.
Kështu pjesa e parë, që ishte më shumë taktike, u mbyll me rrjeta të paprekura.
Edhe pjesa e dytë nis më mirë për Kroacinë, që nuk arrin të shfrytëzojë si duhet një gabim në dalje të Unai Simon në të 51-tën.
Asensio u kundërpërgjigj me kokë në të 57-tën, me topin që shkoi paksa mbi tra.
Rastin më ideal në pjesën e dytë e pati Ansu Fati, në minutën e 84-t, me Perisicin që bën shpëtimtarin mbi vijën fatale.
Pak sekonda para se të mbyllej koha e rregullt, Asensio shkakton drithërima në portën e Livakovic, por topi shkon jashtë.
© SYRI.net
Bëje LIKE dhe merr lajmin e fundit nga Sporti: