Pas shumë largimeve në ditët e fundit, Vllaznia e re ka nisur të marrë formë. Shkodranët kanë firmosur zyrtarisht me mbrojtësin Milos Stojanvic.
Qendërmbrojtësi serb ishte sezonin e fundit pjesë e Kastriotit dhe pavarësisht se skuadra krutane ra nga kategoria, mbrojtësi mbetet në Superiore. Pasi siguroi firmën e Juric ditën e djeshme, Vllaznia gjen në këtë mënyrë një tjetër qendërmbrojtës.
“KF Vllaznia dëshiron të njoftojë se nga sot pjesë e tij është edhe futbollisti Milos Stojanovic. 26 vjeçari luan në rolin e qendërmbrojtësit dhe në sezonin e fundit ka qenë pjesë e ekipit të Kastriotit”, shkruan klubi shkodran.
Stojanovic është përforcimi i gjashtë i Vllaznisë, që më parë ka firmosur me Ildi Grudën, Eslit Salën, Darko Dodev, Konstantin Cheshmedjiev dhe Redon Dragoshin.
© SYRI.net
Bëje LIKE dhe merr lajmin e fundit nga Sporti: