Interi dhe Milani do të luajnë nesër ndeshjen e kthimit gjysmëfinale të Ligës së Kampionëve.
Ndeshja e parë i takoi Interit, që fitoi me rezultatin e pastër 2-0, si mysafir.
Stadiumi do të jetë i stërmbushur, pasi janë shitur të gjitha biletat.
Pra, në tribuna do të jenë më shumë se 75 mijë spektatorë dhe Interi ka marrë të ardhura rekord nga shitja e biletave.
Mediat italiane raportojnë se Interi do të thyejë rekordin e Milanit të vendosur në ndeshjen e parë gjysmëfinale, pasi çmimet e biletave janë më të larta se shtatë ditë më parë.
Milani mblodhi 10,461,705 euro nga shitja e biletave. Në stadium ishin 75.532 shikues.
Një shifër e tillë pritet edhe nesër, por duke qenë se çmimet e biletave janë më të shtrenjta, Interi do të arkëtojë rreth 12 milionë euro.
Ndeshja do të transmetohet drejtpërdrejt nga 50 televizione, ndërsa në tribuna pritet një numër rekord i gazetarëve.
© SYRI.net
Bëje LIKE dhe merr lajmin e fundit nga Sporti: