Sevilla ka një lidhje të veçantë me Europa League, trofe të cilin e ka fituar gjashtë herë, si asnjë skuadër tjetër.
Andaluzianët janë konfirmuar edhe këtë sezon, duke mbërritur në gjysmëfinalet e Europa League.
Skuadra spanjolle luan të enjten (21:00) duelin e parë ndaj Juventusit, në Torino.
Presidenti i Sevillas, Jose Castro Carmona, “kërcënon” bardhezinjtë e Max Allegrit.
“Një tjetër transfertë. Nëse kualifikohemi, do të luajmë finalen e radhës. Ndjesitë i kam të mira. Kemi bërë gjithmonë gjëra ndryshe nga të tjerët në këtë kompeticion. Jo më kot e kemi fituar shumë herë.
Juventusi? Ata kanë kampionë si Pogba, Cuadrado dhe Vlahovic, por jam i sigurt se Juventusi nuk do e ketë të thjeshtë të përballet me mbretërit e Europa League”, u shpreh kreu i klubit spanjoll.
© SYRI.net
Bëje LIKE dhe merr lajmin e fundit nga Sporti: