Pas Korçës dhe Durrësit ditën e djeshme u shpall projekti fitues për stadiumin e Vlorës.

Projekti fitues është ai i studios belge ndërsa në garë ishin edhe dy studio të tjera: FUKSAS (Itali) si dhe OPPENHEIM Arkitekturë (SHBA & Zvicër). Megjithatë, në fund triumfoi XDGA (Belgjikë), i cili u përzgjodh si fitues në Konkursit Ndërkombëtar për stadiumin Flamurtari. Impianti i ri sportiv do të jetë multifunksional, një model i ngjashëm me “Air Albania”, stadiumin e kryeqytetit.

Por ajo që bie në sy, ashtu si në Tiranë (Air Albania) dhe Durrës (stadiumi i Teutës), stadiumi i Flamurtarit në Vlorë do të jetë i rrethuar me kulla, që janë bërë të preferuara nga qeveria aktuale.