Marko Grujic, mesfushori serb i Portos, është kthyer në një objektiv për disa klube të mëdha.
Pas Manchester United, për shërbimet e tij interesohet edhe Milani.
“Corriere dello Sport” shkruan se kuqezinjtë kanë nisur edhe tratativat.
Vetë futbollisti 27-vjeçar ka dhënë “OK”-in për transferimin e tij në Serie A dhe kampionëve të Italisë tashmë u duhet të bindin Porton.
Grujic shikohet si pasuesi ideal i Franck Kessie. Më parë mesfushori ka luajtur edhe te Liverpool, që e shiti atë te portugezët për 9 milionë euro.
Ai është aktivizuar edhe në Bundesliga me Hertha Berlin dhe një eksperiencë te kampionët e Italisë e josh shumë.
Mesfushori numëron 30 ndeshje me Porton këtë sezon, duke regjistruar një gol dhe një asist me “Dragonjtë e Oportos”. Ndërkohë, ai ka veshur 19 herë fanellën e Kombëtares.
© SYRI.net
Bëje LIKE dhe merr lajmin e fundit nga Sporti: