Duket se lojtarët që janë lënë jashtë grumbullimit të Kombtëares shqiptare të futbollit nga trajneri Sylvinho, i kanë dhënë mesazhe shumë të qarta teknikut se ndoshta mund të jetë gabuar me zgjedhjet e tij. Një ditë më parë ishte Dejvi Bregu ai i cili shkëlqeu në kampionatin turk me 1 gol e 2 asiste. Sot, e kishte radhën Odise Rioshi.
Mesfushori i kombëtares shqiptare, një nga emrat më të rëndësishëm të saj prej më shumë se një dekade, ka qenë mungesa e madhe e listës së parë të brazilianit. Por sot tregoi se ka ende për të dhënë, duke shënuar në ndeshjen që skuadra e tij Sakariaspor, luante ndaj Bodrumspor.
Në minutën e 43 të ndeshjes, mesfushori mori një top nga thellësia dhe nuk gaboi para portierit, duke çuar sferën në rrjetë për t’i dhënë avantazhin e përkohshëm skuadrës së tij.
Nalepa’nın Pasında Roshi Topu Ağlara Gönderdi.
— Sakaryaspor Photoshop (@SakaryasporPS) March 20, 2023
Şimdi Durum 1-0 🔥 pic.twitter.com/tirnf0b9SW
Në minutat e fundit të ndeshjes, Roshi u bë përsëri protagonist, duke dhënë edhe asistin për golin e fitores 2-1 të skuadrës së tij e cila u pozicionua në zonën e play-off për ngjitjen në Superligën turke.
Sakaryaspor’umuz Bülent Uzun’un Golüyle Bodrumspor Karşısında 2-1 Öne Geçti. pic.twitter.com/qTPljeJIaU
— Sakaryaspor Photoshop (@SakaryasporPS) March 20, 2023
© SYRI.net
Bëje LIKE dhe merr lajmin e fundit nga Sporti: