Trajneri i Manchester Cityt, Pep Guardiola, është konsideruar gjithmonë një ekspert dhe strateg i madh futbolli, por kjo është arsyeja pse ai ka pasur probleme prej vitesh me drejtimin e makinës.

Mediat angleze zbulojnë se trajneri spanjoll ka përplasur deri më tani katër makina që kur ka marrë drejtimin e Manchester Cityt dhe vlera e këtyre “bishave” shkon deri në 523 mijë euro.

Pep ka qenë prej kohësh forca lëvizëse pas Manchester Cityt, por disa mësime pas timonit mund t'i bëjnë shumë mirë. Mediat angleze shkruajnë për aksidentet e tij në rrugët britanike.

Që nga ardhja e tij te City, Guardiola ka përplasur një Mercedes GLE me vlerë 91,000 euro, një Range Rover (170,000 euro), një Bentley GTX700 argjendi (227,000 euro) dhe një Mini Cooper (35,000 euro).

Shkrimtarët Lu Martin dhe Paul Ballus në librin e tyre "Pep's City: “The Making of a Superteam" zbuluan se makina e katërt që Guardiola bleu ishte një Mercedes GLE, pasi më parë kishte përplasur tre automjete të shtrenjta.

"Ai ka një reputacion si një shofer i ngathët që nga ditët e tij në Barcelonë dhe kjo është makina e katërt që ai ka në pronësi që nga ardhja në Manchester. Ai shkatërroi një Bentley të argjendtë dhe një Rang Rover. Pep është i shkëlqyer në shumë gjëra, por drejtimi i makinës nuk është një prej tyre", thuhet në libër dhe shton:

 “Ai “luftoi” me rrugët në Mançester dhe pati shumë aksidente”, shtoi libri për mbretërimin e Pep te Manchester City.