Në verë, klubet do të përpiqen të bëjnë disa goditje me kosto zero. Janë disa lojtarë që do të largohen nga klubi aktual kur të mbarojnë kontratat e tyre. Një prej tyre është sulmuesi Marcus Thuram, djali i legjendës Lilian, kontrata e të cilit me Borussia Mönchengladbach skadon në fund të sezonit.

Inter-i dhe Milan-i i kanë kthyer sytë nga ai prej disa kohësh dhe në Gjermani Bayern dukej i interesuar, por vetëm deri pak ditë më parë sepse duket bavarezët kanë ndryshuar mendim.

Drejtori sportiv Hasan Salihamidzic po punon për rinovimin e kontratës me Choupo-Moting, por ëndrra është Harry Kane i Tottenham-it dhe si alternativë e parë Kolo Mouani i Eintracht Frankfurt. Duke u kthyer te Thuram, Barcelona e ndjek edhe atë duke qenë se Lewandowski, 35-vjeçar në gusht, nuk është një sulmues për të ardhmen.

Edhe Atletico Madrid i kushtoi vëmendje sulmuesit francez në merkaton e  janarit, por kërkesa për 15 milionë euro nga Borussia bëri që madrilenët të merrnin Depay.

Duke u kthyer te dy skuadrat e Milanos, Inter-i është vënë prej kohë në lëvizje për Thuram dhe ka pasur kontakte me përfaqëseusit e lojtarit, sepse zikaltrit kanë menduar ta merrnin lojtarin që në merkaton e janarit.

Në fund, pa para për të investuar në merkaton e dimrit, Marotta dhe Ausilio janë tërhequr për të marrë pjesë në ankandin pranverë-verë dhe janë gati t’i ofrojnë sulmuesit 5 milionë neto plus bonuse.

Megjithatë, duhet të bëjnë kujdes nga Milan-i, i cili nuk është i kënaqur me Origin dhe me Ibrahimovic afër lamtumirës: kuqezinjtë kanë kërkuar informacion dhe nuk do të donin ta humbnin rastin për t’i dhënë një pakënaqësi “kushërinjve” të tyre.

Do të jetë një verë e nxehtë për Thuram, i cili mund të zbarkojë në Milano dhe të veshë një fanellë ku dominon e zeza, por më pas ngjyra e dytë duhet të përcaktohet si e kuqe ose e kaltër. Thuram fiton 2.5 milionë euro neto dhe Milan-i mund t’i ofrojë 4.5 milionë euro lojtarit të lindur në Parma.