Enzo Fernandez është një lojtar i ri i Chelseat. Mesfushori argjentinas, i lindur në vitin 2001, vjen nga Benfica pas pagesës së klauzolës së lirimit prej 121 milionë eurosh. Dhe për këtë arsye bëhet lojtari më i shtrenjtë ndonjëherë në Premier League.
Benfika e zyrtarizoi këtë transferim përmes një njoftimi zyrtar, por nga klubi anglez nuk kishte ardhur asgjë ende, deri pak minuta më parë.
Chelsea ka zyrtarizuar transferimin e lojtarit kampion bote me Argjentinën, përmes një video në Twitter, ku shihet edhe sulmuesi shqiptar Armando Broja, duke shkruar “Vjen së shpejti”.
Welcome #EnzoFernandez https://t.co/a4HOdQGx2L
— Abolore of Chelseafc 🏆 (@mide4law) February 1, 2023
Talenti 22 vjeçar ka nënshkruar kontratë me blutë deri në verën e vitit 2031, më saktë për tetë vjet e gjysmë dhe kjo është mënyra se si Chelsea qëndron brenda ligjit për shkak të “fair play”-it financiar.
Ai do të mbajë veshur fanellën me numër 5 tek Chelsea, e cila mbahej më parë nga Jorginho, i cili u transferua ditën e djeshme tek Arsenal.
© SYRI.net
Bëje LIKE dhe merr lajmin e fundit nga Sporti: