Big Brother Mania nuk mungoi edhe në mbrëmjen gala “Më të mirët 2022”, që organizohet nga FSHF dhe Digitalb.

Ish-kapiteni i kombëtares shqiptare, Altin Lala, nuk e kurseu batutën me personazhin e momentit, pasi lexoi 11 futbollistët më të mirë të vitit që lamë pas.

Teksa Lala zbuloi 11 lojtarët që formuan formacionin më të mirë të vitit, 4 prej tyre nuk ishin prezent, për shkak të angazhimeve me klubet e tyre. Bëhet fjalë për Xhixhën, Skukën, Seferin dhe Bitrin, që janë transferuar në Europë.

“Meqë paska vende bosh, po fusim Luizin e Big Brotherit, apo nuk bën? Epo mirë”, ishte batuta e Lalës.