Kristal Abazaj është larguar nga Stambolli. Futbollisti shqiptar i ka dhënë fund përvojës 2-vjeçare me Istanbulsporin. 26-vjeçari ishte ende nën kontratë me klubin turk, por kanë ndërprerë bashkëpunimin në mënyrë të dyanshme. Lajmin e ka përcjellë vetë klubi nga Stambolli përmes faqes së vetë zyrtare në rrjetet sociale.

“Kemi ndarë rrugët me futbollistin tonë profesionist, Kristal Abazaj, i cili iu bashkua klubit tonë në sezonin 2020-2021, me marrëveshje të dy anshme”, ka njoftuar klubi i Istanbulsporit. Mbetet për t’u parë se cila do të jetë e ardhmja e Abazajt për vitin e ardhshëm.