Cristiano Ronaldo ka thyer heshtjen e tij në rrjetet sociale pas triumfit të Lionel Messit dhe Argjentinës në Kupën e Botës.

Sulmuesi 37-vjeçar ka qenë i qetë në të gjitha platformat gjatë javës së fundit, pasi rivali i tij afatgjatë fitoi turneun në Katar pas një fitoreje 4-2 në penallti ndaj Francës.

Megjithatë – me thashethemet për lëvizjen e tij prej 175 milionë funte në vit në Arabinë Saudite që qarkullojnë  për sulmuesin, CR7 ka ndarë një foto të tij në pishinë teksa po rikuperohet nga një stërvitje.

Ai qëndron, duke buzëqeshur, në një pishinë përpara se të bënte një selfie dhe ta postonte në Instagram.

Ish-ylli i Man United përdori emoji që përshkruanin një 'burrë të ngrirë', syze noti dhe një burrë duke ushtruar në palestër.