I dëmtuar në kyçin e këmbës së djathtë, Jose Gaya i tha lamtumirë ëndrrave të tij për Kupën e Botës. Federata Spanjolle e Futbollit e ka zyrtarizuar këtë të premte lajmin në rrjetet e saj sociale. “Jose Luis Gaya nuk do të jetë me Spanjën në Kupën e Botës në Katar. Pas analizimit të kujdesshëm të situatës dhe konsultimit gjithmonë me shërbimet mjekësore të Federatës Spanjolle të Futbollit, Luis Enrique ka marrë vendimin për të zëvendësuar mbrojtësin Valencias, i cili u lëndua aksidentalisht të mërkurën e kaluar gjatë një seance stërvitore pasdite në Aman”, thuhet në deklaratë.
🚨 OFICIAL | @jose_gaya abandona la concentración de la @SEFutbol para el Mundial de Catar.
— Selección Española de Fútbol (@SEFutbol) November 18, 2022
El lateral se va de Doha con el cariño, el respeto y reconocimiento de sus compañeros y de toda la RFEF.
ℹ️ https://t.co/L0o9EPwnMs #VamosEspaña | #Catar2022 pic.twitter.com/pYjJGhfNms
Në këtë proces, federata spanjolle bëri të ditur edhe zëvendësuesin e tij: Alejandro Balde, krahu i ri i majtë i Barcelonës. 18-vjeçari e ka grumbullimin e tij të parë me La Roja duke luajtur në një Botëror. Deri më tani ai kishte luajtur vetëm me ekipet e të rinjve të Spanjës. Ai shpërblehet pas fillimit të mirë të sezonit me Barçën.
© SYRI.net
Bëje LIKE dhe merr lajmin e fundit nga Sporti: