I dëmtuar gjatë fitores së Liverpool ndaj Manchester Cityt, Diogo Jota nuk arriti ta përfundonte takimin që u fitua nga “Të kuqtë” (1-0). Një lajm i keq për klubin anglez, por edhe për Portugalinë, pasi sulmuesi 25 vjeçar do të humbasë edhe Kupën e Botës.

Në një konferencë për shtyp, Jurgen Klopp konfirmoi mungesën e Diogo Jotas në Kupe Botës 2022 dhe shpalli verdiktin mjekësor: “Është një dëmtim mjaft i rëndë në muskulin e pulpës... Është një lajm shumë i trishtuar për djalin, edhe për ne dhe për Portugalinë. ” Liverpooli ka lëshuar menjëherë një deklaratë duke konfirmuar lajmin e keq.