Lajmi i fundit

LIVE/ Kuvendi i Shqipërisë në seancë plenare

VIDEO/ Tirana për turp në Evropë, zhgënjen edhe në Conference League

VIDEO/ Tirana për turp në Evropë, zhgënjen edhe në Conference League

22:02, 19/07/2022

Sërish humbje për Tiranën në Europë. Kampionët e Shqipërisë dështuan në “Air Albania” kundër Zrinjskit, sfida e parë e raundit të dytë të Conference League.

Kampionët e Bosnjës fituan 0-1 falë golit të Nemanja Bilbija në minutën e 12-të.

Faull naiv i Vesel Limajt dhe finalizim i saktë i goleadorit boshnjak nga pika e bardhë, edhe pse Visar Bekaj ia kuptoi krahun.

Zrinjski dominoi pjesën e parë të takimit, me “gardianin” Bekaj që shpëtoi në 3 raste portën e Tiranës nga pësimi i golit të dytë.

Treshja Redon Xhixha-Taulant Seferi-Florent Hasani nuk ia dolën do të çanin mbrojtjen e fortë të ekipit mik.

Pushimi i bëri mirë Tiranës, që e nisi fraksionin e dytë të takimit me një marsh më shumë.

Seferi mori përsipër në minutat e para, por goleadori i bardhebluve nuk mbërriti dot te goli.

Tensioni nuk mungoi në fushë, Najdovski dhe Jankovic u kapën me duar me njëri-tjetrin, me arbitrin kryesor që i ndëshkoi të dy me kartonë të verdhë.

Zrinjski uli ritmin, menaxhoi mirë minutat e mbetura, ndërkohë që skuadra e Orges Shehit u lodh, nuk krijoi më raste dhe nuk rrezikoi portën boshnjake.

Përfundimisht 0-1 për Zrinjskin, teksa përballja e kthimit do të luhet pas 9 ditësh (28 korrik) “Stadion pod Bijelim Brijegom”, Mostar.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco