Tottenhami rikthehet te fitorja, ndërsa Evertoni i Lampard siguroi tre pikë jetike ndaj Chelseat.
Skuadra e Antonio Contes mposhti 3-1 Leicester City, ndeshje ku shkëlqeu Son Heung-Min.
Lojtari aziatik dhuroi asistin për Harry Kane, me kapitenin që me kokë kaloi vendasit në avantazh në mesin e pjesës së parë, ndërsa në fraksionin e dytë realizoi dy gola, me të dytin që ishte fantastik.
“Dhelprat” realizuan golin e nderit në minutat shtesë të takimit me anë të Kelechi Iheanacho, i cili shënoi një gol të bukur.
Suksesi i sotëm ka ngjitur “Gjelat” përkohësisht në vend të tretë me 61 pikë.
Djemtë e Contes numërojnë një më shumë se Arsenali që sfidon West Ham në transfertë.
Një gol i Richarlison i mjaftoi Evertonit për të fituar 1-0 ndaj Chelseat.
Braziliani përfitoi nga një pasiguri në mbrojtjen mike në minutën e 47-të, dhe dërgoi topin në rrjetë.
Skuadra nga Liverpuli rezistoi në minutat e mbetura edhe falë një super Pickford, dhe siguroi tre pikë fantastike për objektivin mbijetesë.
© SYRI.net
Bëje LIKE dhe merr lajmin e fundit nga Sporti: