Tenisti ukrainas, Sergiy Stakhovsky dhe boksieri, Vasiliy Lomachenko, janë regjistruar për të ndihmuar në mbrojtjen e kombit të tyre kundër pushtimit rus.
Stakhovsky thotë se shpreson se nuk do të duhet të përdorë armën e tij, por ai e di se si ta përdorë atë, shkruan CNN.
36-vjeçari u tërhoq nga tenisi pas Australian Open në janar dhe është kthyer në Kiev për të ndihmuar në mbrojtjen e kombit të tij.
Kampioni i peshave të rënda, Oleksandr Usyk, gjithashtu mendohet të jetë regjistruar.
Usyk, i cili mundi Anthony Joshua në shtator, është larguar nga baza e tij në Londër për t’u kthyer në Ukrainë.
Kryetari aktual i Kievit, Vitali Klitschko, është gjithashtu një ish-kampion i boksit në peshat e rënda.
© SYRI.net
Bëje LIKE dhe merr lajmin e fundit nga Sporti: