Bernard Berisha e ka kryer me sukses operacionin në krahë.

Berisha ishte duke zhvilluar një edicion pozitiv me ekipin rus megjithatë ai u lëndua, dhe iu nevojit operimi

Sulmuesi i Kombëtares së Kosovës u operua sot në një klinikë në qytetin e Romës dhe pritet që së shpejti t’i rikthehet fushave të gjelbërta.

Kosovari, përmes një postimi në “Facebook” ka njoftuar se operacioni i ka shkuar mirë.

“Ellhamdulillah, operacioni u krye me sukses! Një falënderim i madh për të gjithë ekipin në klinikën “Villa Stuart” në Romë për mbështetjen e tyre aktive dhe të dashur”, shkroi Berisha në “Facebook”.