“Dua të rinovoj me Interin, shpresoj që kjo gjë të mbyllet”. Fjalët e Lautaro Martinez nuk do të kalojnë pa u dëgjuar, koha për kontratën e re është afër. Që nga Madridi, më 13 mars, ditën e takimit të fundit mes Interit dhe agjentit Alejandro Camano, ka ndodhur jo pak.

Gjithçka në drejtimin që shpreson bota e zikaltërve. Pas përfundimit të kampionatit, sipas të gjitha gjasave para largimit të “Toros” për në Kupën e Amerikës, do të nënshkruhet marrëveshja e re, e cila do ta lidhë edhe më shumë kapitenin me zikaltërit.

Pse nuk është arritur ende nënshkrimi, pas takimit të Madridit? Sepse menaxherët duhet të presin dukshëm përcaktimin e operacionit të rifinancimit të kredisë nga Zhang, pa të cilin nuk mund të kalohet në fazën operacionale të rinovimeve. Kjo vlen për “Toron”, por edhe Inzaghin e Barella. Pas Madridit, gjithsesi, Interi dhe Camano vazhduan të bisedonin me njëri-tjetrin.

Bisedime të vazhdueshme, hapa përpara që kanë çuar në një afrim të konsiderueshëm, krahasuar me 2 milionë euro hendekun në ato javë. 10 milionë euro në sezon ishte kërkesa e fundit e Lautaros, 8 milionë ishte oferta e klubit të Zhang. Nënshkrimi i ri do të arrijë për 9 milionë euro në sezon. Afati i ri do të jetë, të paktën sipas bisedimeve të fundit, viti 2029.

Pra, një kontratë e re 5-vjeçare, duke filluar nga 1 korriku. Kjo është arsyeja pse zyrtarizimi, pa nënshkrimin aktual, mund të shtyhet për në korrik. Disa kuriozitete mbi marrëveshjen e ardhshme? Nuk ka asnjë klauzolë përfundimi të saj. Palët nuk e kanë diskutuar asnjëherë, Lautaro nuk e ka kërkuar asnjëherë, nuk ka qenë asnjëherë në tavolinë si eventualitet.

Kjo është simptomatika se sa shumë argjentinasi e sheh veten tek Interi. Ai nuk dëshiron rrugëdalje, nuk kërkon mundësinë e largimit, edhe nëse do të përballej me një ofertë të madhe. Për më tepër, mungesa e klauzolës mbështetet fuqishëm edhe nga klubi, të cilit nuk i pëlqen të përfshijë kufizime kontraktuale, veçanërisht kur përballet me marrëveshje kaq të rëndësishme të kësaj natyre.

Një hap tjetër për të nënvizuar: kontrata e re do të përfshijë bonuse. Disa prej tyre do të lidhen jo vetëm me fitoret, por edhe me rrugëtimin europian dhe ndërkombëtar, Kupën e Botës për Klube, që Interi do të bëjë. Edhe këtu dialogët e javëve të fundit kanë qenë të frytshëm.

Lautaro dhe Inter janë të destinuar të zgjedhin sërish njëri-tjetrin. Dhe nuk është se argjentinasit i mungojnë mundësitë e transferimit. Edhe në muajt e fundit, agjenti i tij është kontaktuar nga top-klubet. E sigurt është se Lautaro do të mbetet pikë referimi absolute e Interit edhe në të ardhmen. “Ndihem mirë në Milano”, – përsëriti argjentinasi.

Nënshkrimi i marrëveshjes së re është dëshmi e kësaj. Brenda një reparti sulmues, i destinuar për të ndryshuar “fytyrën”… Rreth tij do të mbetet vetëm krahu, Thuram, ndërsa Taremi tashmë është konfirmuar në ardhje. Arnautovic është në listën e daljes, me shpresën se do të jetë në gjendje të tërheqë edhe Gudmundsson. Megjithatë, udhërrëfyesi mbetet Lautaro.