Tijjani Reijnders ishte një nga afrimet e shumta të Milanit gjatë verës së kaluar.
Mesfushori holandez u përshtat shpejt në Itali dhe u kthye në titullar te kuqezinjtë.
Objektivi i madh ishte fitimi i Serie A, por skuadra e Stefano Piolit siguroi vendin e dytë. Duke u dorëzuar përballë Interit, që dominoi kampionatin dhe siguroi yllin e dytë.
“Sigurisht që jemi të zhgënjyer. Synimi ynë ishte shpallja kampionë Italie, por për fat të keq nuk ia dolëm.
Sa më përket mua, rëndësi kishte përshtatja në Serie A dhe përmirësimi hap pas hapi. Dua të bëj më mirë sezonin e ardhshëm”.
Tre gola dhe po kaq asistime regjistroi 25-vjeçari në 34 takimet e luajtura me Milanin gjatë sezonit të parë në elitën e futbollit italian.
© SYRI.net
Bëje LIKE dhe merr lajmin e fundit nga Sporti: