Rodriguez mbrëmë u prezantuar para tifozëve të klubit, në stadiumin e "Al Rayyan".

Prezent ishin të pranishëm shumë tifozë që deshën t’i japin mikpritje të ngrohtë yllit të ri të ekipit.

Ndërkohë, në faqen e tij zyrtare në “Facebook”, mesfushori falënderon klubin dhe tifozët për mikpritjen:

“Një mundësi e re për të jetuar dhe shijuar. Faleminderit Alrayyansc që më dhatë këtë përvojë”.

James nuk ka nguruar të falenderojë edhe ish-ekipin e tij:

“Dua të falënderoj shokët e mi të skuadrës, të cilët më pritën mirë, i uroj më të mirat dhe gjithashtu dua të falënderoj tifozët Everton. Gjithmonë jam përpjekur të jap më të mirën time dhe gjithmonë kam dashur të fitoj, ky është mentaliteti im. Të uroj gjithë të mirat”.

Mesfushori pas shumë vitesh karrierë të suksesshme në Evropë vendosi që karrierën ta vazhdojë në Katar.

James do të mbaj fanellën me numër 10 te skuadra e re.