Iu desh kohë, por në fund Tottenham doli triumfues nga dueli me West Bromwich Albion, kuadër të javës së të 8-të në Premier League. Një gol i Harry Kane (i tij i 7-të i sezonit në 8 ndeshje të Premier League), i cili përfitoi nga gabimi i mbrojtjes kundërshtare në fund të lojës (i 88-ti), ishte i mjaftueshëm për Spursat.

Me këtë fitore të ngushtë, por të çmuar, Tottenham merr kryesimin e kampionatit anglez, në pritje të rezultatit të ndeshjes midis Manchester City dhe Liverpool. Ndërkohë, të sapo ngjiturit në Premier League nuk kanë fituar ende një ndeshje të vetme që nga fillimi i sezonit dhe mbajnë vendin e 18-të në renditje.