Superliga do të rinisë të mërkurën, ndërsa klubet shqiptare përveç objektivave sezonale në kampionat dhe në Kupë, presin licencimet nga UEFA.

Në kompeticionit evropiane marrin pjesë fituesi i Superiores në Champions League, ndërsa vendi i dytë, vendi i tretë dhe fituesi i Kupës së Shqipërisë në Europa League.

Për të marrë pjesë në kompeticionet e UEFA-s, klubet shqiptare kanë bërë gati dokumentacionit për licencimin.

Këtë temë e sqaron shefi i Sektorit të Licencimeve në FSHF, Eduart Gjini, i cili dha një intervistë për gazetaren Enkeleida Zeko në Syri TV.

“Klubet shqiptare i kanë plotësuar katër kritere, përveç atij financiar dhe dokumentacionin e kanë dorëzuar në UEFA. Përveç 10 klubeve të Superiores, për të marrë licenën kanë aplikuar edhe Apolonia e Kategorisë së Parë dhe dy ekipe femrash. Brenda javës Komisioni i Licencimit në UEFA do të marrë vendimet për secilin klub”, tha Gjini.

Tirana – Mund të jap me garanci që dokumentacioni i klubit të Tiranës është i plotë. Tirana ka bërë përmirësime të dukshme, por është Komisioni ai që do të vendosë nëse Tirana do ta marrë apo do t’i refuzohet licenca.

Aplikimi - Të gjitha klubet e Superiores kanë aplikuar për licencën, pasi do t’u duhet jo vetëm për të luajtur në Kupat e Evropës, por do t’u duhet që të luajnë edhe në kompeticionit në vend.